ខេត្តរតនគិរី៖ ថ្ងៃទី២៥ ខែឧសភា ឆ្នាំ២០២២ ក្រុមការងារកម្មវិធី ASPIRE នៃមន្ទីរកសិកម្ម រុក្ខាប្រមាញ់ និងនេសាទ បានសហការជាមួយប្រធានការិយាល័យកសិកម្ម ធនធានធម្មជាតិ និងបរិស្ថានស្រុកលំផាត់ និងភ្នាក់ងារផ្សព្វផ្សាយឃុំបាតាង បានរៀបចំប្រជុំផ្សព្វផ្សាយ និងបោះឆ្នោតជ្រើសរើស គណៈកម្មការគ្រប់គ្រងមណ្ឌលប្រមូលផ្ដុំកសិផលបន្លែនៅភូមិព្រួក ឃុំបាតាង ស្រុកលំផាត់ ដែលមានការចូលរួមពីមន្រ្តីបង្គោលទីផ្សារ មន្រ្តីតាមដាន និងវាយតម្លៃ ទីប្រឹក្សាគ្រប់គ្រងអនុកម្មវិធីមន្រ្តី មន្រ្តីការិយាល័យកសិកម្ម ធនធានធម្មជាតិ និងបរិស្ថានស្រុក ភ្នាក់ងារផ្សព្វផ្សាយឃុំ លោកមេឃុំ លោកមេភូមិ និងសមាជិកបណ្ដុំអាជីវកម្មបន្លែ សរុបចំនួន២៤នាក់ (ស្រ្តី១០នាក់)។ ក្រុមការងារខេត្ត បានបង្ហាញអំពី គោលបំណងនៃកិច្ចប្រជុំ ការគ្រប់គ្រង និងប្រើប្រាស់មណ្ឌលប្រមូលផ្ដុំកសិផលបន្លែ តួនាទី និងការទទួលខុសត្រូវ របស់អ្នកពាក់ព័ន្ធ ព្រមទាំងបានសម្របសម្រួល និងដំណើរការបោះឆ្នោតជ្រើសរើសគណៈកម្មការគ្រប់គ្រងមណ្ឌល ប្រមូលផ្ដុំកសិផលបន្លែ ដែលមានបេក្ខជនឈរឈ្មោះចំនួន១០នាក់ (ប្រុស៥នាក់ ស្រ្តី៥នាក់)។ ជាលទ្ធផលនៃការបោះឆ្នោត គណៈកម្មការគ្រប់គ្រងមណ្ឌលប្រមូលផ្ដុំកសិផលបន្លែ មានចំនួន ០៥នាក់ (ស្រ្តី០២នាក់) រួមមាន ៖ ១.លោក ឆាង បុល ជាប្រធាន ២.លោក ស៊ឹង ខុន ជាអនុប្រធាន ៣.លោក លឹម កាយ អ្នកត្រួតពិនិត្យគុណភាព ៤.លោកស្រី ផល សុភ័ក្រ អ្នកសម្រសម្រួលទីផ្សារ ៥.កញ្ញា ប៉ូក ស្រីមុំ លេខា/ហេរញ្ញិក